full screen background image
Search
Thursday 20 January 2022
  • :
  • :
Latest Update
சமீபத்திய காலத்தில் வெளியான சிறந்த தொகுப்புகளில் ஒன்று’ என்ற பாராட்டை பெற்றிருக்கும் அமேசான் ஒரிஜினல் தொடர் ‘புத்தம் புது காலை விடியாதா..’. அண்மையில் வெளியாகி வெற்றி பெற்றிருக்கும் இந்த தொடரைப் பற்றி, அந்த தொடரில் இடம்பெற்றிருக்கும் கதைகளுக்கான தூண்டுதல் மற்றும் முன்மாதிரி குறித்து அதனை இயக்கிய இயக்குநர்கள் பகிர்ந்துகொண்ட விவரங்கள் பின்வருமாறு…

ஒரே படத்தில் அக்கா, தங்கையாக நடிக்க உள்ள தெலுங்கு திரையுலகின் முன்னணி நடிகைகள்

கர்நாடகாவை சேர்ந்த ராஷ்மிகா மந்தனா கன்னட படமான கிரிக்பார்ட்டி மூலம் திரையுலகில் நடிகையாக அறிமுகமானார். அவர் தெலுங்கில் விஜய் தேவரகொண்டாவுடன் சேர்ந்து நடித்த கீதா கோவிந்தம், டியர் காம்ரேட் ஆகிய படங்கள் நல்ல வரவேற்பை பெற்றன. தெலுங்கு திரையுலகில் வேகமாக வளர்ந்து வருகிறார் ராஷ்மிகா. அடுத்ததாக அல்லு அர்ஜுன் ஜோடியாக புஷ்பா படத்தில் நடிக்கிறார். அதேபோல், பாக்யராஜ் கண்ணன் இயக்கத்தில் கார்த்தி நடித்து வரும் ‘சுல்தான்’ படம் மூலம் தமிழில் அறிமுகமாக உள்ளார்.

இந்நிலையில், நடிகை ராஷ்மிகா தெலுங்கு படம் ஒன்றில் சமந்தாவுக்கு தங்கையாக நடிக்க உள்ளதாக தகவல் வெளியாகி உள்ளது. பெண்களை மையப்படுத்தி இருக்கும் இப்படத்தின் கதை சமந்தா, ராஷ்மிகா இருவருக்கும் பிடித்துப்போனதால் அதில் நடிக்க ஒப்புக்கொண்டுள்ளதாக கூறப்படுகிறது. தெலுங்கு திரையுலகில் முன்னணி நடிகையாக இருக்கும் இருவரும் ஒரே படத்தில் அக்கா, தங்கையாக நடிக்க உள்ளது பலரையும் ஆச்சர்யப்படுத்தி உள்ளது.

நடிகை சமந்தா அடுத்ததாக தமிழில் விக்னேஷ் சிவன் இயக்கும் ‘காத்துவாக்குல ரெண்டு காதல்’ படத்தில் நடிக்க உள்ளார். பின்னர் கேம் ஓவர் படத்தின் இயக்குனர் அஸ்வின் சரவணன் இயக்கும் படத்திலும் நடிக்க ஒப்பந்தமாகி உள்ளார். கொரோனா ஊரடங்கால் வீட்டிலேயே இருக்கும் சமந்தா பல்வேறு இயக்குனர்களிடம் கதை கேட்டு வருவதாக கூறப்படுகிறது.