‘காதல் கண் கட்டுதே’ படம் மூலம் தமிழில் நடிகையாக அறிமுகமானவர் அதுல்யா ரவி. என்ன மாயமோ முதல் படத்திலேயே இளைஞர்கள் மனதில் குடியேறிக் கொண்டுவிட்டார். மேலும் இவருக்கு அதிக ரசிகர்களும் கிடைத்தனர். அது மட்டுமல்லாமல் அடுத்தடுத்து படங்களில் நடிக்கவும் ஒப்பந்தமானார்.
தற்போது இவரது நடிப்பில் ‘ஏமாலி’ என்ற படம் வெளியாகி உள்ளது. இதில் சாம் ஜோன்ஸ், சமுத்திரக்கனி, பால சரவணன் ஆகியோர் நடித்திருக்கிறார்கள். வி.இசட்.துரை இப்படத்தை இயக்கியுள்ளார்.
இப்படம் வெளியாகி ரசிகர்களிடம் வரவேற்பு பெற்று வருகிறது. இந்நிலையில், விஜய்யுடன் நடிக்க ஆசை என்று அதுல்யா ரவி கூறியிருக்கிறார்.
இது பற்றி அளித்த பேட்டியில், “நான் முதலில் விஜய் ரசிகை. அதன் பிறகு தான் நடிகை. அவர் படத்தில் நடிக்கும் வாய்ப்பு கிடைத்தால் நடிப்பேன்” என்று கூறியுள்ளார்.
அவரது இந்த பேச்சு அவரது ரசிகர்களுக்கு மட்டுமல்லாமல் விஜய் ரசிகர்களையும் கவர்ந்துள்ளது.
