2016-ம் ஆண்டு நவம்பர் மாதம் வெளியான மலையாளப் படம் “கட்டப்பனையிலே ரித்விக் ரோஷன்”. நதீர்ஷா இயக்கத்தில்
விஷ்ணு உன்னிகிருஷ்ணன், பிரயாகா நடிப்பில் வெளிவந்த இப்படத்துக்கு நல்ல வரவேற்பு கிடைத்தது.
இப்படம் தற்போது தமிழில் ரீமேக் செய்யப்படுகிறது. நடிகர் தனுஷின் “வுண்டர்பார் பிலிம்ஸ்” நிறுவனம் இப்படத்தை தயாரிக்கிறது.
இதில், விஜய் டிவியில் ‘கலக்கப்போவது யாரு’ நிகழ்ச்சியின் மூலம் பரவலாக கவனம் ஈர்த்த தீனா கதாநயகனாக நடிக்கவிருக்கிறார்.
தீனா ஏற்கனவே தனுஷ் இயக்கத்தில் “பவர் பாண்டி” படத்தில் காமெடியனாக நடித்திருக்கிறார். தற்போது தனுஷ் மூலமே கதாநாயகன் ஆகும் வாய்ப்பும் தீனாவுக்கு கிடைத்திருக்கிறது.
இப்படத்தை இயக்கப்போகும் இயக்குநர், நடிகை, தொழில்நுட்பக் கலைஞர்கள் குறித்து வேறு எந்த அறிவிப்பும் வெளியிடப்படவில்லை.
விரைவில் அதுகுறித்த அறிவிப்பு வெளியாகலாம் என எதிர்பார்க்கப்படுகிறது.
