தமிழ் சினிமாவில் காமெடி நடிகர்களாக கோலோச்சிக் கொண்டிருக்கும் போதே கதாநாயகனாகவும் நடித்தவர்கள் நாகேஷ், கவுண்டமணி, விவேக், வடிவேலு மற்றும் சந்தானம் ஆகியோர். அந்த வரிசையில் இப்போது காமெடியன்களாக நடித்துவரும் யோகிபாபுவும், ரமேஷ் திலக்கும் கதாநாயகனாக நடிக்க இருக்கிறார்கள்.
காக்கா முட்டை இயக்குனர் மணிகண்டனிடம் உதவி இயக்குனராக பணிபுரிந்த நட்டு தேவ் இயக்கவிருக்கும் படத்திற்கு ரமேஷ் திலக்கும், யோகி பாபுவும் முன்னணி கதாபாத்திரங்களாக நடிக்க ஒப்பந்தம் செய்யப்பட்டிருக்கிறார்கள். “சத்திய சோதனை” என்று பெயரிடப்பட்டுள்ள இந்த படத்தின் படப்பிடிப்பு விரைவில் தொடங்கவிருக்கிறது.
காக்கா முட்டை படத்தில் யோகி பாபு – ரமேஷ் திலக்கின் காமெடி கூட்டணிக்கு ரசிகர்களிடம் நல்ல வரவேற்பு கிடைத்தது. அதே போல் சத்திய சோதனையும் ரசிகர்களை மகிழ்விக்கும் என்று நம்புவோம்.
