மாஸ்டர் ஆடியோ லான்ச்சில் நடிகர் விஜய் பேசியதற்கு பதிலளித்து நடிகை சிம்ரன் பதிவிட்டுள்ளார்.
விஜய் நடிப்பில் உருவாகிவரும் திரைப்படம் மாஸ்டர். லோகேஷ் கனகராஜ் இயக்கும் இத்திரைப்படத்தில் விஜய் சேதுபதி, ஷாந்தனு, மாளவிகா மோகனன், ஆண்ட்ரியா, அர்ஜுன் தாஸ், தீனா உள்ளிட்டோர் முக்கிய கதாபாத்திரங்களில் நடிக்கின்றனர். அனிருத் இசையமைக்கும் இத்திரைப்படத்தை சேவியர் ப்ரிட்டோ தயாரிக்கிறார். இதனிடையே நேற்று மாஸ்டர் படத்தின் ஆடியோ லான்ச் நடைபெற்றது.
இதில் நடிகை சிம்ரன் கலந்து கொண்டு, தனது அழகான நடனத்தால் ரசிகர்களை உற்சாகப்படுத்தினார். இதையடுத்து விஜய் பேசும் போது, முதலில் சிம்ரன் எங்கு என தேடிவிட்டு, அவருக்கு நன்றி தெரிவித்தார். இந்நிலையில் சிம்ரன் தனது ட்விட்டர் பக்கத்தில் அதற்கு பதிலளித்து பதிவிட்டுள்ளார். இதுகுறித்த அவரது பதிவில், ‘அன்பை பகிர்ந்தமைக்கு நன்றி நண்பரே. விஜய் என்றாலே வெற்றி, விஜய் என்றாலே மாஸ்’டர் – மாஸ்’டர் விஜயம் காண வாழ்த்துக்கள்’ என பதிவிட்டுள்ளார். இதையடுத்து இருவரும் ரசிகர்களும் லைக்ஸை வாரி வழங்கி வருகின்றனர்.
அன்பை பகிர்ந்தமைக்கு நன்றி நண்பரே. விஜய் என்றாலே வெற்றி, விஜய் என்றாலே மாஸ்’டர் – மாஸ்’டர் விஜயம் காண வாழ்த்துக்கள்
