காமெடி நடிகராக வளர்ந்து வரும் முனிஷ்காந்த், தேன்மொழி என்ற பெண்ணை இன்று திருமணம் செய்து கொண்டார்.
தமிழ் சினிமாவில் வளர்ந்து வரும் காமெடி நடிகர்களில் ஒருவராக இருப்பவர் முனிஷ்காந்த். இவர் ஈசா, வெப்பம், கடல், சூது கவ்வும், நேரம், பீட்சா 2: வில்லா, முண்டாசுப்பட்டி, மாநகரம், பசங்க 2, மேகா, எனக்குள் ஒருவன், போங்கு, மரகத நாணயம், ஒரு நாள் கூத்து, சென்னையில் ஒருநாள் 2, கலகலப்பு 2, குலேபகாவலி, வேலைக்காரன், புரூஸ் லீ, மாநகரம், மோ, திருநாள், சவாரி, டார்லிங் 2, 144, சண்டக்கோழி 2 என்று பல படங்களில் நடித்துள்ளார்.
தற்போது தல அஜித் நடிக்கும் விசுவாசம் படத்தில் நடிக்கயிருக்கிறார்.
இந்த நிலையில், இன்று சென்னை வடபழனி முருகன் கோவிலில் இவருக்கு திருமணம் நடந்துள்ளது. தேன்மொழி என்ற பெண்ணை திருமணம் செய்துள்ளார். முனிஷ்காந்த் திருமணத்திற்கு திரையுலகினர், ரசிகர்கள் என்று பலரும் வாழ்த்துக்கள் தெரிவித்துள்ளனர்.
