விஜய் சேதுபதி நடிப்பில் தற்போது, `விக்ரம் வேதா’ படம் ரிலீசுக்கு தயாராகி இருக்கிறது. இந்நிலையில், ‘ரேணிகுண்டா’ புகழ் பன்னீர்செல்வம் இயக்கத்தில் ‘கருப்பன்’ படத்திலும் விஜய் சேதுபதி நடித்திருக்கிறார். இப்படத்தில் பாபி சிம்ஹா வில்லனாகவும், தன்யா நாயகியாகவும் நடித்திருக்கிறார்கள். மேலும் கிஷோர், பசுபதி, சிங்கம் புலி உள்ளிட்ட பலர் நடிக்கிறார்கள்.
ஸ்ரீ சாய் ராம் கிரியேஷன்ஸ் நிறுவனம் படத்தை தயாரித்துள்ள இப்படத்திற்கு இமான் இசையமைத்துள்ளார். இப்படத்தின் படப்பிடிப்பு சமீபத்தில் முடிந்து. இந்நிலையில், இப்படத்தின் டைட்டில் போஸ்டர் ஒன்று நேற்று வெளியானது. இது ரசிகர்களிடையே நல்ல வரவேற்பு பெற்றது. இதையடுத்து இன்று இப்படத்தின் பர்ஸ்ட் லுக் போஸ்டர் மற்றும் மோஷன் போஸ்டரும் வெளியாக இருக்கின்றது.
ஏற்கனவே படத்தின் சில புகைப்படங்கள் வெளியாகி ரசிகர்களிடையே நல்ல வரவேற்பினை பெற்றுள்ள நிலையில், இன்று பர்ஸ்ட் லுக் போஸ்டரும், மோஷன் போஸ்டரும் ரசிகர்களுக்கு இரட்டை விருந்தாக அமைய இருக்கின்றது.
